Home 愛車保養 車廂內籠清潔不能忽略:清潔保養工具與心得分享、乾淨與否關乎你的健康!

車廂內籠清潔不能忽略:清潔保養工具與心得分享、乾淨與否關乎你的健康!

by Charles Wong

小U之前大部分的汽車打理文章都喺集中在外觀,今次就和大家分享DIY自己動手清潔和翻新內籠的技巧TIPS。小U將本文率先POST,其中一個原因喺小U最近揸了一部污遭邋遢的車,車主并未有做好日常的內籠清潔(一定唔喺處女座),令到小U覺得好有必要同大家分享一下如何清潔車廂內籠、需要的工具材料與心得分享。

內籠保養第一條:清潔要勤做,積積埋埋有排搞

內籠清潔一定要經常做,原因有兩個:第一,車廂內部乾淨與否直接影響駕駛者和乘客的健康!污遭邋遢的車廂藏有各種食物的殘渣、人體分泌物的殘留,都是細菌的溫床。如果摸到內飾表面“立次次”(黏糊糊的),就已經是十分污遭的紅色警報。第二,各種污物留在車內時間越長,就越容易乾結變硬、同車身內飾黏在一齊,更加難清潔。

所以汽車內籠最少一個月都要清理一次,不僅是守護你和乘客的健康,而且是越清理得密就越容易打理。如果你打算賣車,內籠的乾淨與否是車主是否愛惜車的最直接體現,是否影響潛在買家的第一感受。

車廂內部打理并唔難,只要基本的材料用具,加上正確的方法就OK。下面我地逐一討論。

 

內籠清潔必備:車載吸塵機

任何一個乾淨的車主一定有定期吸塵的習慣。如果住村屋、HOUSE的車主甚至可以將家用的220V強力吸塵機拉到車旁去吸塵,效果又快又好。對於大多數泊停車場的車主,插車電的12V車載吸塵機都可以達到目的。不過市面上12V吸塵機的質素參差不齊,建議大家唔好貪平,一定要買吸力夠的產品。(小U買過一個100蚊唔洗的,又嘈又沒力)。小U為大家挑選了的吸塵機上架了好長時間,幫到唔少車主:

強力車載兩用吸塵機 購買鏈接

如果唔想tat車、又驚用曬車電,可以加購DINKALEN緊急救車電源,可以輸出車電12V,可以推所有12V的車載電器(包括吸塵機、洗車機),又可以做超大尿袋,當然可以救車。

 

高品質多功能Newsmy救車電購買鏈接

 

皮籠の清潔和保養

皮籠的清潔比布籠簡單有效,所以小U先講皮籠的清潔方法技巧。皮籠的耐用性比布籠高,尤其喺超過10年的高齡車,皮籠的優勢更加明顯。大家如果BUDGET允許,揀高齡車建議揀有皮籠OPTION的。

皮籠打理的劑液分清潔劑(CLEANER)和保養液(CONDITIONER),好多牌子都有出平價的二合一(2-IN-1)的清潔保養劑,小U絕對唔建議大家購買。呢類二合一的產品高不成低不就,清潔能力差,保護又差。以為買2in1平咗但喺咩都做唔成,反而浪費。

小U有兩大推薦:

第一推薦喺美國最大牌子美光Meguair’s的皮革清潔和養護系列。清潔劑選用Meguiar’s Gold Class Leather & Vinyl Cleaner美光金裝皮革清潔噴劑,同時可以適用於真皮、人造皮,專門為皮革清潔而設的配方,清潔力高得黎又唔傷皮革。適合各位喜歡高級感的皮籠車主日常清潔使用。同時配合Meguiar’s Gold Class Leather Conditioner 美光金裝皮革養護劑,清潔之後立即噴一層“皮蠟”,高級感即刻翻曬黎,而且可以讓皮革保持得更長日子。

Meguiar’s Gold Class Leather & Vinyl Cleaner美光金裝皮革清潔噴劑

Meguiar’s Gold Class Leather Conditioner 美光金裝皮革養護劑

如果需要最頂級的皮籠保養,可考慮使用Meguairs美光的最新產品 Ultimate Leather Balm極品皮革清潔保護膏。它是美光最頂級天然養護成分全天然、最滋潤的選擇。價錢比較貴,但一罐可以用好耐。皮籠值得投資,只要花小小錢小小心機,皮籠可以last forever。請留意此款產品雖然寫是清潔和保護,清潔功能接近清水,可以忽略。

Meguiar’s Ultimate Leather Balm 美光極品皮革保護膏 購買連接

 

另一推薦同樣喺來自美國的3D Products的LVP Cleaner。LVP喺LEATHER, VINYL, PLASTIC的縮寫,可用於皮革、軟膠、硬膠,可以全面應用在皮籠、內飾,一支通殺。留意一下現時有的皮籠喺人革皮籠,未必所有適用於真皮的清潔保養用品都啱用。LVP Cleaner就真皮、假皮都可以用。LVP Cleaner性質溫和,適合會清潔打理的車主,并唔適合污遭貓、清潔頑固污跡。如果喺頑固的污跡,特別喺油脂類污跡,可以用同門的3D Orange Degreaser。CITRUS 有一陣橙味,成分含有CITRUS柑橘素,天然的除油去污劑。

3D Product LVP Cleaner 皮革膠件中性清潔劑 購買連接

3D Products Orange Degreaser 有機除污噴劑 購買連接

兩款產品的詳細介紹、官方影片我在了產品頁面,避免本文長度太長

小U用LVP Cleaner和Orange Degreaser對同一激髒部位進行清潔,可以明顯見到Orange Degreaser溶解出來的污物更多,適合強力除油去污。但日常黎講用LVP Cleaner已經足夠。

FAQ1: 可唔可以用女人手袋的皮革保養劑?

  • 汽車專用的保養劑有防UV配方,手袋皮革保養劑未必有

FAQ2:可唔可以用鞋油?

  • 鞋油會甩色、你條褲遭殃

 

布籠の清潔和保養:

同梳發一樣,布藝梳發比皮革梳發難清潔打理。所以汽車布籠更加要著重保護,防止污跡留在布面

布籠清潔幾考功夫,如果發現污垢而不及時清潔,布製面料很容易形成印跡,而且細菌容易繁殖、異味產生。及時清潔和定期清潔是防止細菌繁殖的最重要的辦法!清潔方面推薦大家兩款產品:

1、主打消臭除菌的SOFT99 新布藝·泡沫清潔噴劑。除了含有坊間布料泡沫清潔劑的清潔性能,SOFT99新布藝泡沫清潔噴劑還含有從植物水果中提取的天然類黃銅,強力發揮消臭、除菌的功效。在瓶蓋那裡配備有保護布製座椅專用軟膠刷頭。此款產品也適用於嬰兒車的清潔使用。

SOFT99 新布藝·泡沫清潔噴劑 購買連接

2、主打去油污的3D的Orange Degreaser。由於ORANGE DEGREASER對油性污跡尤其有效,而布籠日子一長吸收好多人體的分泌物,所以用其清潔十分有效。

3D Products Orange Degreaser 有機除污噴劑 購買連接

 

膠件の清潔和保養:

車內有好多膠件,如果唔注意清潔,一旦膠件起積就好難清理。膠件特別容易被UV曬殘老化,變白出油喺最常見的老化情況。小U以前的新車由於沒注意為膠邊做防UV保養,兩年就明顯老化,喺從錯誤中吸取的教訓,建議大家唔好重蹈覆轍,泊露天室外的車主尤其注意。

膠件保護的產品中,小U最愛美光Meguairs Ultimate Protectant。比起同牌子以及不同牌子的同類產品,Ultimate Protectant有好幾個優勢:

  1. 唔喺噴劑,而喺牙膏狀液體,容易控制範圍,又唔浪費。
  2. 非油脂配方、抹完唔會油立立
  3. 恢復老化白化膠變回黑亮,又可以加強防UV
  4. 內外膠件都可以用,硬膠軟膠可以用,Ultimate Protectant 十分全能,唔洗分內外、連車胎都用得,胎油都慳埋

小U最鐘意呢種全能又有效的產品,而且價錢仲唔貴!相當抵玩。小U之前做過一個3分鐘快測:

Meguiar’s Ultimate Protectant 防UV老化變白 恢復黑亮 購買連接

搽保養液前要做好膠件的日常清潔,推薦用3D LVP Cleaner(溫和)或 Orange Degreaser(強力),清潔完再用Meguairs Ultimate Protectant 進行保護。以下喺小U清潔門把手位的萬年老積,先用ORANGE CLEANER溶解抹走,再用Meguairs ULTIMATE Protectant恢復黑亮:

總結:車廂內籠清潔不能忽略、揀啱用品好輕鬆

相比起外觀車漆的打理保養,車廂內籠清潔相對簡單,但亦容易被忽略。建議各位車主可以根據自己的需要購買合適、高品質的內籠清潔保養用品,就可以慳時間慳精力保持車廂內籠潔淨,座響乾淨的車廂揸車都開心D!

本文介紹過的產品、小U網販都有發售。

 

香港養車日誌不斷為你提供貼地實用的原創養車資訊,LIKEFOLLOW 養車日誌的Facebook Page,及時知道最新的文章和影片。養車討論區歡迎各位加入討論。YouTube Channel也突破1000訂閱者啦,再次感謝大家支持!如果沒有各位的支持,香港養車日誌已經褶埋,宜家卻是生氣勃勃。點一下讃就可以不花一分錢支持小U的工作,小U網販的車品買不買沒所謂啦,這也是小U的業餘愛好,不過小U網販出售的都是最抵買的汽車用品,不買也可以睇睇、不要錯過~

更多原創養車資訊:

車身深層清潔 – 水印、鐵粉、柏油跡、鳥糞痕的專用溶劑 – DIY洗車系列Ch.5

【雙泵動力】 超強力雙模式洗車水機套裝升級版 介紹

十大必買的車品一次看完!你有齊了嗎?

你鐘意DIY自己部車嗎?香港養車日誌最近本住dump錢落海的心態、試咗好幾款DIY鍍晶產品,搵到一款意料之外效果好的超性價比DIY鍍晶。我在自己部車度親測半年,並對比幾款不同產品的效果,有興趣請睇睇:

Related Articles

Leave a Comment