Home 修補手作DIY 網友分享:打氣嘴你有留意嗎?2019新年的神秘漏氣事件!

網友分享:打氣嘴你有留意嗎?2019新年的神秘漏氣事件!

by alex_fok

好多車主都會注意車胎胎壓,換胎、打氣、洗胎鈴…,但係有無留意車胎打氣咀呢個位?近呢兩星期,就有兩件怪事發生係我隻馬仔身上(2005年BMW 325ci)話說我不嬲都會留意住胎壓,因為胎壓正唔正確,好影響行車安全同舒適度,所以,我就買左個胎壓監察器(外置),諗住可以方便留意住胎壓有無異常。用左大約半年,都無特別事發生,就係係過左去既聖誕新年假期,就發輝出佢既好處。下文繼續:

胎壓監察器相關介紹:

仲用胎壓錶?TPMS實時胎壓監測系統介紹和VICO-TPMS產品實測

事件一:假期完扁曬胎

為左響應政府既呼籲:開車前咪飲,所以24同25兩日無用車,到左26號聖誕假期,一早到停車場取車,目測右前胎扁扁地,上車睇下個胎壓監察器,果然右前胎跌到得1Bar,拿拿淋打番氣,再即刻去胎鋪補一補,誰不知浸水時,師傅係咁睇、係咁望,一粒氣汽泡都唔見,唯有裝番上去,收費$100就走人,跟住成晚都留意住胎壓,都無乜問題。

之後27同28號都無用車,到29號取車,怪事又再發生,情況同26號一模一樣,今次就決定去相熟胎鋪搞搞,起初都係同上次一樣,一粒泡都無,到最後……發現係打氣咀既頸位漏氣,原本師傅噴完梘水都無發現汽泡,但係用手指搖下粒打氣咀,汽泡就巴巴聲出黎,原來係咁。最後$80換完個咀就解決左個問題。

 

事件二:新年又再重演?

為左再響應政府既呼籲,所以31號除夕都無用車,而且1號元旦瞓到夜晚,即係又擺左兩日,起身取車去食飯,今次就發現左前胎漏氣,心諗:唔係呀?今日胎鋪無開喎,就算有都夜啦。唯有打番氣用住先,一路留意住,但係又無漏喎。到第二日開車返工前睇睇,係少左少少壓,但係心諗可能正常既,照番工,放工時好戲又上演,監察器bibi大響,得番唔夠1Bar,即刻打氣去公司附近胎鋪搞搞佢,劇情黎到呢度,相信大家都估到點啦,都係一粒汽泡都無,我就同師傅講可能係打氣咀漏,師傅噴梘水落去,話無事喎,我就用手搖下個氣咀,果然漏氣,我話:「嗱,係咪呀!」。(師傅用好怪既目光望住我,問我係咪行家?哈哈)

 

總結:打氣嘴也是有年限的消耗品

經過呢兩次,發現打氣咀真係好少留意或者更換(至少我係),大家都要留意下啦。

後記:之後同相熟胎鋪老闆傾開計,有幾個提議:

  • 一係每隔一段時間就換晒佢,始終都係膠製品,容易損耗,而且唔係貴;
  • 二係換晒不鏽鋼咀,一了百了;
  • 三係換晒做內置胎壓監察器,都係不鏽鋼咀,仲可以準確監察住胎壓。我就揀左三,而家等貨到

圖片來自網絡

 

小U結語:多謝ALEX的經驗分享!小U也從來沒有留意過打氣嘴這個parts,根據網絡資料:“在更換輪胎時候,拆掉輪胎之後一定要更換輪胎氣嘴喔~因為輪胎氣嘴也是橡膠做的,所以使用年限跟輪胎其實差不多~換輪胎時,一定要盯著老闆或師傅看看有沒有更換喔~”Alex這次左右氣嘴相繼破裂,,好可能是對上一次換胎時候,師傅偷工減料沒換氣嘴,大家下次記得注意。小U為大家準備的實用TPMS已經出售幾十套、供你選擇:

如果大家有自己的經驗心得,小U鼓勵大家分享給香港的其他車友(還有“稿費”呢!),一個人的快樂變成好多人的快樂。香港養車日誌也會繼續為各位車主打開大門,歡迎你來分享屬於你的養車樂趣:

更多香港本地養車實用文章供參考:

汽油添加劑有用嗎?香港車主需要加邊一種?(付答案)

無水洗車 (Waterless Wash) 大剖析Part 1:原理、好處、會唔會整花部車?

新車到手應該如何保養?新車落地與二手車又有何不同?

你鐘意DIY自己部車嗎?香港養車日誌最近本住dump錢落海的心態、試咗好幾款DIY鍍晶產品,搵到一款意料之外效果好的超性價比DIY鍍晶。我在自己部車度親測半年,並對比幾款不同產品的效果,有興趣請睇睇:

Related Articles

Leave a Comment