SHARE

養車日誌文章“香港養車最平要幾錢?窮人養車的終極分享”長期熱門,小U今次就再以窮車主的身份同大家分析香港養車點慳錢、如何減低每月的養車洗費。俗語話小數怕長計,更何況養車錢并唔喺“小數”,小U今日就同大家計一計~

停車費喺最大支出:泊車要做功課

在香港樓市爆升的大環境下,香港的停車場車位售價已經升到無法理解的地步。一個普通的私人屋苑車位動輒上百萬、高級屋苑車位三四百萬,停車場月租點會唔水漲船高

如果想減低養車支出,小U認為減低停車費開支喺重中之重,如果每個月慳千來元,一年就省下一萬兩萬,養車五年幾乎慳出部車小U已經另起專文,同大家分享如何節省停車場費用,歡迎大家閱讀:

 

減低維修支出:買車要揀車款

車主最怕就喺買咗部車整多過揸,車多暗病、維修費用就似無底深潭,花咗幾萬蚊依然未“斷尾”

一般來說,歐洲車的維修保養成本比日本車要高(當然亦唔喺絕對),就算唔撞唔刮只做保養,日本車的running cost都會平一截(詳細解釋會post在“DIY自己整車系列文章”)。如果你識做一些基本機件維修保養、有傳說中的“相熟車房”提供良心價服務,養歐洲車的負擔會輕鬆D、尤其喺上年紀的歐洲車、品味名車。否則的話,你可能要拋開“歐洲車”的光環、選擇日韓車系可能會更具性價比

日系車的耐用口碑是“金招牌”,雖然并不是每一款的日系車款都是“無敵”,但總體來說日系車在香港保有量極大,零件、消耗品、劏車件都十分豐富,多師傅識整,維修成本平,導致日系車型都在二手市場較為熱門,價錢堅挺,再轉手亦容易。其次喺熱門歐洲廠車款,雖然維修幾率大D,但亦因為多人要整、售後市場都OK。冷門車就比較少人問津,維修零件和識做車房都少,二手易車承接少、車價折舊快,對於經驗少的新車主挑戰比較大。

小U建議一就選擇熱門車,無論日系歐系,只要喺熱門“街車”,輸面就較低。或者冷門而維修成本唔貴的選擇。自己學習基本的汽車維修保養知識、可以自己動手的維修保養項目自己買料做、就算自己唔做都識區分車房“黑心”還是“良心”,避免做水魚,“識車”十分重要!養車日誌的“DIY自己整車保養維修”系列文章值得各位車主參考。

 

入油錢油費可以點慳?

小U去年參與過油公司和一家大型公司的入油回贈計劃,分析了2300個車主的入油費數據,平均每月油費是$1820,你是在平均線的以上還是以下?如果你的每月油費已經在平均線以下,那麼你再可以減落去的空間就很少了,但倘若你每月油費3、4千,那麼確實可以研究一下慳錢門路。要慳油錢,只有兩個方法:

  1. 減少車輛油耗
  2. 申請油卡等入油回贈

車輛的油耗基本在買車那一刻已經定了,再犀利的調校亦可能將一部出廠“大咬”的車調校成“慳油”的車。每日用車路途越遠的車主,越要留意揀慳油、油耗表現好的車款;但如果只是假日車主,慳唔慳油其實差別唔大。小U以下為大家計了數:

每日揸車距離和油耗、每月油費比較表

每日路途 vs. 每月油費$2.5/km$1.5/km$1/km$0.5/km
60~70km
(來回元朗尖沙咀)
$5000$3000$2000$1000
30~35km
(來回將軍澳旺角)
$2500$1500$1000$500
10km
(假日車主)
$800$450$300$150

由上圖可以見到,如果你每日揸車距離遠,選一部慳油的車每月可以幫你節省好幾千蚊油費,慳油的汽油車(Petrol、電油)、或者柴油、混能、電動都可以考慮。但如果只是短途或假日車主,買柴油、混能、電動就有些殺雞用牛刀

在媒體的錯誤宣傳下新手可能會產生細cc=細油耗的誤解。技術上講細cc只會在市區停停走走、慢速的情況可能有油耗優勢。如果經常高速,2000-2500cc車都唔怕買。現時各大廠家流行的1500cc加turbo適用性好廣,平衡油耗和動力,缺點是車價貴以及turbo的維修保養成本比自然吸氣的高。至於1000cc加turbo、沒有turbo的自然進氣1300cc或以下都需要小心查證實際油耗和廠家宣傳的官方油耗的差別。

常見油耗誤區
“細CC引擎 = 慳油”

另外波箱亦十分影響油耗,通常波段越多越慳油,7速的比4速慳。而很多人評論說“沒有駕駛樂趣”的CVT波箱是油耗的佼佼者。HONDZ JAZZ/FIT 1.3 CVT可以做到唔錯的油耗CVT有不少助攻。

講到油卡和入油回贈,按現時油價計算,申請減$2以上的油卡瞬間節省15%油費,關於油卡、入油回贈的討論小U建議大家參考HKEPC上面的長達15頁的討論帖

 

保養項目可以自己做噶自己做

如果你同小U一樣,自己動手喺一種樂趣,咁恭喜你,你可以慳錢之餘仲增添了養車樂趣。從外觀到內籠,從引擎到底盤,從機械到電子,汽車保養、維修、調校的項目多到幾年都學唔曬。無論你喺注重外表(洗車打蠟鍍膜),還是注重內在(維修保養調校),養車日誌都在努力為大家提供相關的知識INFO以及DIY自己動手的方法心得:

香港車主經常話香港地方細、多車又塞,養車成本貴、樂趣并唔多,自己動手打理好部車,也算是“苦中作樂”吧!小U的外觀打理全部喺自己做,機件保養維修可以自己做噶都自己做,然後再同大家分享個中經驗心得就喺小U最大的樂趣

 

總結:養車喺消費,“慳錢”和“享受”要取得平衡

雖然全篇文章都喺集中講如何“慳錢”,但各位車主(準車主)都要明白,養車喺不折不扣的“消費”,在香港更是被冠以“奢侈品消費”的名銜。既然是消費,就要讓錢銀用得其所,該用就用,該慳就慳,每人的標尺都唔一樣。例如“是否應該為每月平$500租金行遠5分鐘攞車”?有車主覺得沒所謂,有車主覺得唔值得,只要適合自己、自己覺得最舒服的,就是最好的養“私家車”喺“私人事”,自己覺得開心最重要,小U鐘意“窮養”,有車主鐘意“貴養”,每個人都不相同、選擇自然不一樣,但這并不阻礙我們交流養車的樂趣,香港養車日誌就是供各位香港車主分享養車樂趣的地方!

最後,如果大家覺得文章唔錯、有用,請click一下本文底部的社交媒體按鈕就可以分享給你身邊的人、@你覺得有需要的朋友。Sharing is caring 獨樂了不如眾樂樂,不花一分錢就可以支持小U以及養車日誌的工作。小U網販車品區亦為大家準備好多好用的汽車用品,隨便睇睇買不買沒所謂,鏈接如下(容易跌錢請小心訪問):

免費登記成為香港養車日誌會員可以第一時間收到最新UPDATE以及最新折扣優惠:

 

更多原創相關文章供參考:

車保只有“三保”和“全保”嗎:3分鐘搞清楚汽車保險點樣買最抵

海外自駕遊慳錢省錢秘笈、避免中伏的經驗分享

香港養車最平要幾錢?窮人養車的終極分享

SHARE
揸車養車最大的樂趣是什麼?莫過於與大家一同分享個中有用有趣的資訊。 歡迎隨時和我交流探討,產品查詢購買請聯繫:whatsapp - 60981711 email - upsangel@gmail.com

LEAVE A REPLY

Please enter your comment!
Please enter your name here