Home 香港買車養車TIPS 揸車容易泊車難:剛買車時對停車場嘅恐懼同泊車心路歷程

揸車容易泊車難:剛買車時對停車場嘅恐懼同泊車心路歷程

by Kelvin

係分享之前,首先緊係要多謝小u整咗一個「養車樂趣分享計劃」咁好玩嘅嘢出嚟,而我亦有幸可參與其中,可令我一嘗做KOL Blogger嘅感覺!(謎之聲:唔好客氣,代表各位車友感謝你的分享)好..小小介紹吓自己先,小弟叫Kelvin,其實都考咗個車牌10年喇,不過一直都係急凍住佢,但喺上年(2017年)基於家庭需要終於買入咗人生嘅第一部車啦!

個牌雪咗成10年,唔多唔少沒練習太耐,感覺都追不回來~唔知大家係咪都同我一樣,做新手嘅時侯覺得最大嘅挑戰唔係highway,唔係繁忙嘅市區,唔係燈位,而係…恐怖嘅停車場同泊車!而我對停車場同泊車真係可以用恐懼嚟形容!可能你哋話有咩好驚呢?好,就等我一一話你知啦!

恐懼1:排隊等位

香港地人多車又多就唔洗多講,唔好話等位食飯,就算買對波鞋都會排一大餐嘅香港人,根本停車場要排隊是常識吧,特別係啲港人去開嘅熱門商場,真係試過唔排返半粒鐘至九個字都入唔到去。而做新手嘅時候我又唔識排街邊嘅錶位嘅規矩,試過幾次唔小心打咗人尖,亦都有試過比人打尖,真係唔好話唔尷尬。

出街泊位TIPS
提早出門吧!早起的鳥兒有蟲食!

 

恐懼2:地獄停車場

香港地寸金尺土,而小弟係雪藏牌新手買車駕駛技術當然係有限,而且又好怕會整花架得來不易嘅愛車,出街真係好怕會入到一個又窄又迫嘅停車場,就喺上年買車無耐嘅時候小弟唔識世界試過去過九龍區一個某出名嘅窄停車場,去到真係嘩嘩聲完全感受到無可能會泊得入嘅情況下,所以一入去就好辛苦咁出返嚟走咗去第二個場算了。真係冬天都出晒汗‧‧‧

出街泊位TIPS
出門前先找好幾個泊位的選擇、同時了解下喺咪地獄車場

 

恐懼3:S位泊車

S位泊車對新手嚟講應該真係一個大挑戰,特別係泊街嘅時候,左扭右扭,前前後後咁扭極都入唔到,仲要阻住後面啲車嗰種尷尬嘅情況,到呢一刻諗返起都覺得一個數字可以形容。

手機上有不少模擬泊車的遊戲,其中真實性和遊戲性都比較出色的有以下這款,大家可以參考一下:

出街泊位TIPS
夜晚車流少的時候,多出去路面實戰、多做練習

 

一招戰勝恐懼的方法!(但不是一朝一夕)

不過,經過呢一年幾嘅洗禮之後,對停車場同泊車嘅恐懼的確真係有所減少喇,亦都明白咗一個道理:就係如果要克服一樣嘢就應該面對佢不斷練習,而隨著時間同練習,相信你嘅泊車技術會變得更好,所以新手們唔好放棄並繼續練習,咁樣泊車就會變得越嚟越簡單啦。咁相對泊車技術好咗,就甚麼地獄停車場都唔洗驚啦!

最後,最最最緊要一提嘅係,練泊車嘅同時記得小心隔離人哋架愛車呀!

嘿,新手們,共勉之。

 

小U後語:多謝本文作者Kelvin的用心分享!新手上路初期確實是“痛苦并快樂著”,但這種難得的體驗就如初戀般一生人只有一次。當你已經成為“老司機”、換個幾次車、這種心情就只能懷戀。小U十分高興養車日誌這個平台可以讓Kelvin記錄他屬於自己的寶貴經驗,并以自己的經歷鼓勵其他新牌、雪藏牌車友“重新上路”。祝願Kelvin一家與其座駕出入平安,以後給大家帶來更多分享!

如果你也有興趣了解“養車日誌分享計劃”,分享屬於你的養車故事,請點擊以下鏈接:

雪藏牌車手如何解凍做車主?新牌P牌也供參考的出車攻略

香港養車最平要幾錢?窮人養車的終極分享

你鐘意DIY自己部車嗎?香港養車日誌最近本住dump錢落海的心態、試咗好幾款DIY鍍晶產品,搵到一款意料之外效果好的超性價比DIY鍍晶。我在自己部車度親測半年,並對比幾款不同產品的效果,有興趣請睇睇:

Related Articles

Leave a Comment