Home 新車主 冇錢點買車?“其實唔難” ...

冇錢點買車?“其實唔難” – 香港買車3大誤解

如果你知道“香港養車日誌”以前喺叫“窮U養車日誌”,咁小U一定要多謝你多年黎的一路支持。冇錯,幾年前小U開始做網站的時候只是打算將自己的慳錢養車點滴記錄一下,殊不知有大家的支持,先有今日的“香港養車日誌”。舊事重提的原因是今次小U要回歸到自己的“強項”:和大家分享窮人冇錢點買車?如何低成本享受養車樂趣?

冇錢買車?真冇錢 vs 假冇錢

如果你有“冇錢買車”呢個苦惱,第一樣喺搞清楚喺冇錢買貴車新車歐洲車、還是無論貴平都冇錢買。在窮人小U的眼中:

  • 20萬以上的二手車是貴車
  • 8-20萬的二手車是中價車
  • 4-8萬的二手車是平車
  • 3萬以下的是揸到就喺贏的超平車

唔只一次聽過有朋友呻“我冇錢買車,香港地部部車都要廿三十萬”,呢種就喺“偽冇錢”:其實除了新車,還有二手,10萬樓下的車有大把選擇。冇錢買車和冇錢買車是完全不同的。

所以,當你話“冇錢買車”的時候,是否自己的目標定得太高?

當朱克伯格都喺揸本田JAZZ,你覺得你要揸咩車黎顯示身價?

 

買10萬車的真正的成本?

買車要幾錢的最大錯覺,就喺買10萬蚊的車,就好似要用10萬蚊去旅遊咁,一筆就花曬10萬蚊用黎體驗“有車一族”,好貴。但其實呢種諗法錯誤計算了擁有車的成本。

比如部二手車買入黎10萬,好似好多,但其實市況兩年後賣翻8萬,其實你只喺比緊個2萬差價,攤分到兩年就大約每隔月千幾蚊。

所以,真正的買車成本並不是車價,而是買車和賣車的時候差價,亦即是折舊。這一點於買賣股票的有相似之處(不過股票可升可跌,但車的價錢就通常喺一路往下)。

汽車價錢折舊圖
買車的真正成本,喺買入和賣出的差價,亦即是“折舊”

根據美國數據統計:每年的折舊率平均喺新車價的15%。而香港新車的折舊率起碼25%一年。而香港二手車到了7年驗車期會再顯著一跌,然後基本就“跌平”。

 

如果BUDGET得咁多,夠唔夠?

如果你其實喺可以afford到某一個價位的二手車,例如你只有5萬蚊budget,那麼核心的問題其實唔喺唔夠錢,而喺:

  • 5萬蚊可以買到咩車最好
  • 5萬蚊買翻黎,維修要預幾多錢

找到以上問題的答案只有兩個方法:

  1. 花時間學習汽車知識、知道邊D車又平又少維修。
  2. 搵到好似小U咁的朋友幫手。

二手車市場喺Budget緊的朋友的唯一選擇,但二手車市場的“水很深”,中伏位好多。如果想減少中伏機會,小U推薦大家幾個YouTube頻道,我自己也經常會睇學習(可惜只有美國我先搵到有呢類型車房師傅share經驗的頻道、香港多數喺收錢車評、冇太多參考價值):

Scott Kilmer (美國)

R&W (美國)

 

如果唔夠2萬蚊

市面上確實有一兩萬甚至幾千蚊的車盤,雖然價錢平,但實際對新手來說是唔易入手的。無論再“耐操”的車型,例如豐田COROLLA, 本田ACCORD,大小部件一樣會磨損和老化,一整起身都喺一筆錢。如果維修經驗不足,可能會更貴。小U會在以後和大家分享揸新車和揸16年老爺Honda的對比體驗。總的來說,如果有可能可以儲多D,買到的車的體驗會唔一樣。

點樣可以儲多D錢無非四個字:開源節流。可惜呢樣嘢就唔喺小U的專長了,我有幾個財經Influencer留意開,如果大家覺得有需要,可以在留言中問我~

希望本文可以幫到解決“冇錢買車”的痛點。小U之後會多同大家分享“買車”呢個話題,希望大家關注。小U之前分享過多篇關於養車洗費的文章,也供大家參考:

香港養車點慳錢?窮車主與你分享四大方法低養車開支!

香港泊車點慳錢?(灰色的)免費泊車大法?

香港養車最平要幾錢?窮人養車的終極分享

 

小U的結語題外話:上次更新文章已經是7月,十分抱歉很久沒有和大家UPDATE。因為小U剛開始翻新工作,新環境有好多嘢要重新適應。現在我覺得是要重新起動翻分享養車樂趣的日常。之前寫了好多產品介紹,每寫一篇文章都要諗好多商業上的問題,宜家回歸翻非商業性質的分享,唔諗咁多反而一身輕鬆。我覺得既然“香港養車日誌”喺業餘興趣做的事,跟著興趣走,以後和大家做更多純分享!~

 

 

 

LEAVE A REPLY

Please enter your comment!
Please enter your name here