Home 香港買車養車TIPS 太新嫌貴,太舊驚壞:新手買二手車買幾多年車好?

太新嫌貴,太舊驚壞:新手買二手車買幾多年車好?

by Charles Wong

小U揸的16歲的老爺HONDA近兩年了,一直想同大家探討二手車車齡對養車的影響、香港買高齡二手車有咩要注意的地方。二手車當然喺年份越新、里數越少越好,但自然車價越高;年份高的車雖然平,但喺會唔會好多嘢整?到底應該點樣先最平衡?新手、老手買二手車有什麼區別?本文和大家一齊討論呢個香港做車主的問題。

二手車按車齡可分四大類

適逢小U睇到一個好有心的YouTube片,來自大陸有個好好的二手車主題channel,叫吱道二手車,主持人“李三吱(李老鼠)”喺個二手車市場的老江湖,二手車知識極其豐富,而且分享毫無保留。雖然有部分車型只在國內銷售、香港並唔通用,但好多資料還是好有參考價值。以下的視頻喺主持人濃縮版的二手車購買指導,二手車劃分成4個等級,小U覺得十分到位、對香港買車同樣有參考價值:

 

壯年期二手車:1~2年、四萬公里內

優勢:機件性能極好,尤其在香港,里數通常只有一兩萬,撇除外在折舊,機械的性能有大問題的機會好低,麻煩嘢少。而且好可能仲帶原廠保養期

劣勢:價錢貴

最適合車主

  • 想買新車、但又想慳錢(香港新車落地跌2-3成,十分驚人)
  • 沒有“新車處女情結”
  • 汽車知識少、缺乏帶路人的首次買車車主

 

中年期二手車:3~8年、15萬公里以下

優勢:車盤盤源多、選擇多、價錢是新車價的70%~40%、執漏搵到筍盤的機會大

劣勢:車盤質素取決於車主使用和保養、可能有的“暗病”需要探查先知道、維修保養成本會開始上升

最適合車主:

  • 最求極致性價比
  • 有一些的汽車經驗、基本的維修知識
  • 識得分別邊D年份車型多問題、常見的問題是否好難搞
  • 出現問題唔怕麻煩(越怕麻煩的車主通常維修保養費越貴)

 

中老年二手車:8年以上或15萬公里以上

優勢:經過時間驗證的經典車型、價錢可以好平、喺新車價的十分一

劣勢:雷區密集、維修可能比車價仲貴

最適合車主:

  • 有足夠的經驗和知識
  • 有人脈(相熟維修車房、配件買貨渠道)
  • 有時間(再耐用的車到了呢個年份都唔會省心)
  • 有情懷(舊車有新車比唔到的感覺)

 

最後一類喺骨灰級二手車:收藏級別的“古董車”、“情懷車”,就唔喺普通車主玩的,不作討論。

 

我的二手車體驗:03年18萬公里

以上劃分僅僅是一個很好的參考標準,但並唔喺話一定要跟。例如小U只是有一些的汽車經驗和基本的維修知識,之前從未買過二手車(因為喺買新車),但一跳就直接買入16歲的老爺HONDA,買入時候已經18萬公里。

小U買的是2003 HONDA CR-V (RD2),搭載據說喺Honda有史以來最可靠引擎之一的K24A1(同期的Accord也是搭載同款引擎),改善了2002年之前的燒波箱問題。“揸唔壞”的引擎加上整車組件的高質素,造就了2002-2006喺CR-V開始步入輝煌的重要一期,也被譽為喺“黃金時期”的CR-V。

縱然喺買到的CRV喺評價極高的二手車,但點都喺近20萬公里的二手老人車,需要的投入唔少。常規保養,例如輪胎、電池、剎車皮、火嘴、剎車油呢D常規嘢唔講,“大保養”項目 – Coolant水箱水、後驅差速器油(Rear Diff Fluid)、波箱油、皮帶、呢D大保養項目都夠期要換。保養項目換了安心,唔換唔會即刻死火,但上了年紀的二手車就喺會有一大堆嘢。

跟住講維修項目:雖然已經好少電子嘢,但都要換了3個sensor(engine knock, coolant temp, gear pressure)。底盤的膠件都喺有年限的,tie rod end漏曬油了換咗。最大的問題的滲漏:換了兩處的seal,換了風油肽泵,依然每日都會有幾滴油落地。仲然喺咁耐用的engine,年紀咁大出現滲漏一樣好難根治。

保養維修大部分小U力所能及的都會自己做,所以呢兩年間自己的汽車維修知識得益唔少。之前曾經分享過的維修保養DIY的專題內容供大家參考:

 

雖然呢部03年的CRV二手車維修保養確實好多,但距先3萬蚊有找,從未死火,從未冇力,從未在道路上出現問題嚇你一驚。單從“腳車”的要求出發,確實喺reliable,尤其如果對比翻相近裡數的BBA,簡直喺“少嘢整”。

講翻轉頭,對比起之前買的新車KIA,養車體驗真的有好大分別。如此舊的二手車,揸到就喺贏。遙控Keyless、數控冷氣呢D fancy嘢冇提供喺預期之內。就連音頻線AUX接頭都冇,都一樣喺咁揸了兩年近2萬公里。揸舊車最大的感受就喺“揸”,單純地享受在路上的感覺,以及到達目的地的快樂。其他時間就考慮如何可以令部車揸得耐D。回歸到最基本的人和汽車的關係。

 

新手買二手車買幾多年車好?

翻到最先的題目“新手買二手車買幾多年車好”,本文的guideline指引和我個人的分享希望幫到大家做決定。我覺得無論買幾多年車,都喺一種體驗。對比世界其他地方,香港玩二手車最好的地方有兩個:

第一、香港新車變二手車折價快,抵玩

第二、香港汽車唔喺必需品,可以玩一D比較多嘢整的車

買車唔存在“最好選擇”,對其他人喺最好的選擇未必對你喺最好,你自己覺得啱心水,覺得花出去的錢買到的體驗是值得,那就是最啱你的選擇。最後祝大家買到/換到自己下一步車!

更多相關文章供參考:

雪藏牌車手如何解凍做車主?新牌P牌也供參考的出車攻略

新手應該買新車還是二手車?不要把自己綁死在一個選項!

新車到手應該如何保養?新車落地與二手車又有何不同?

小U的結語題外話:本文喺小U堅持每日放工都業餘抽時間寫文章的第二篇,重新起動翻分享養車樂趣的日常。如果你也有興趣分享你養車過程中的樂趣、經驗、心得,香港養車日誌分享計劃歡迎你的分享:

分享你的養車樂趣!一嘗做KOL Blogger、仲有錢賺!

你鐘意DIY自己部車嗎?香港養車日誌最近本住dump錢落海的心態、試咗好幾款DIY鍍晶產品,搵到一款意料之外效果好的超性價比DIY鍍晶。我在自己部車度親測半年,並對比幾款不同產品的效果,有興趣請睇睇:

Related Articles

Leave a Comment