Home 香港買車養車TIPS 真喺有需要買車?揭曉3大香港買車的假藉口?

真喺有需要買車?揭曉3大香港買車的假藉口?

by Charles Wong

小U今次想同大家分享我認為香港人買車最常見的三個假藉口、和三個真正原因,除了上次文章講到過的要考慮養車成本(香港養車最平要幾錢?窮人養車的終極分享),到底為什麼在香港如此交通發達的地方都要買車養車?以下喺小U總結最常聽到的3大買車偽理由、假藉口。

如果你想直接睇3大香港買車的真·理由,請繼續留意下一篇文章: 為什麼要買車?香港養車的3大真·理由

買車因為:要去揸車先去到的地方(?)

圖片來自論壇 – 月經題:一人一個香港揸車好去處?

第一:香港有幾多地方真喺揸車先去到?香港呢個公共交通運輸如此發達的地方,鐵路巴士小巴、加上的士UBER,真喺好少地方有錢都去唔到。如果你喺中意行山Hiking,揸車仲有一個限制,就喺必須行翻去出發點的停車場拎車,必須兜個圈翻起點。

第二:你有幾多時間去揸車先去到的地方?

小U之前的文章: 已經分析了養車最少都有5-15萬一年,一年365日,你會有多少日會驅車去“揸車先去到的地方”?如果一個月一次,利用率只有12/365=3.3%,也就是說,一月一次郊遊等於每年養車就是為了有3.3%的時間去香港10%的地方

更加致命的喺,有時呢D熱門的“揸車好去處”唔喺你想去就去到,假日假期必爆滿,開開心心揸到去見住長長的車龍沒位泊,興致一掃而光。經常以為揸車去可以慳時間,但如果一旦要等泊位,就分分鐘搭車仲方便。以下網友經歷相信好多車主都試過:

總結:如果你和小U一樣,喺星期一至五翻日班的工薪族,咁打算揸假日車去享受大自然的願望經常都會被現實擊碎,除非:星期六日都要6點半起身、去爭車位!如果你有幸喺閑日可以去享受大自然的,恭喜你!你比起一般打工仔的養車的樂趣會更多!

 

 

買車因為:享受駕駛樂趣(?)

理性分析駕駛樂趣可以分為兩類:

  • 機械操作的樂趣:推背感、過彎感、引擎銀銀聲等等
  • 駕駛室中的樂趣:睇風景、聽歌、同乘客傾計等等

可惜香港的道路環境和駕駛者態度已經將上述的駕駛樂趣抹殺得7788,每日的塞車、經常的搶線爭拗、防不勝防的馬路炸彈,就算揸部M3、在石屎森林中緩慢爬行也并不覺得有何樂趣。以前唔明白點解老闆要請司機,自己揸有幾難,後來揸車先發現駕駛其實喺消耗精神的工作。小U試過幾次翻工做野到太夜,太累唔想揸車,將放部車響公司過夜、自己搭地鐵翻屋企就算。有位同事是二十四孝爸爸,每日接送老婆仔女出入來日日回五六十公里,都呻揸車辛苦。

總結:香討有一個好好的討論post:其實咩嘢叫”駕駛樂趣”? 如果睇完你仲覺自己可以享受香港僅存的駕駛樂趣、而不是被各種塞車、路霸、馬路炸彈折磨,駕駛樂趣先至喺你的買車原因。

 

買車因為:囡囡有車有高潮(?)

買車多少含有“男人浪漫”的成分,仲然不是必需品,“買車”多少會同身份地位財富事業的成功象征虛榮地聯繫起身。曾經有個論壇POST,一位爸爸買Benz口講是為了滿足兒子“爸爸揸Benz的願望”,睇完其實喺爸爸滿足自己成為成功人士的願望而已。

可惜時至今日“車主”的身份地位已經大大貶值,因為樓市的升幅已經大大拋離汽車,導致車主並不稀罕、唔再喺身份象征:Honda Freed的新車售價2011年$21.4萬 vs 2017年$24.9萬,嘉湖山莊入門兩房2011年172萬 vs 2017年400萬。也就喺話,如果6年前你喺用20萬去做首期供起層嘉湖而唔喺買部Freed,時至今日的樓市升幅已經可以買翻10架Freed。難怪港女話“有樓有高潮”、“有樓沒車嫁得過,有車沒樓嫁唔過”也不為過。很可惜2011年小U同部分讀者一樣、可能仍在讀書或者初出茅廬,連兩萬都覺得喺好大的積蓄。

總結:如果你有因為人有我要有、人沒更要有的虛榮心而買車,小U勸你要三思。除非是買部法拉利林寶,否則呢個虛榮心除了你自己,喺沒人會欣賞的。

咁點解要買車?

到此小U分析了3大買車“假原因”藉口,下一篇文章宜家再送上3個小U認為是最理性實在的買車原因, 大家不妨點個FACEBOOK LIKE、FOLLOW或者SHARE,再睇下篇文章:

 

你鐘意DIY自己部車嗎?香港養車日誌最近本住dump錢落海的心態、試咗好幾款DIY鍍晶產品,搵到一款意料之外效果好的超性價比DIY鍍晶。我在自己部車度親測半年,並對比幾款不同產品的效果,有興趣請睇睇:

Related Articles

Leave a Comment