Home 香港買車養車TIPS 香港地為什麼要買車?香港養車的3大真·理由

香港地為什麼要買車?香港養車的3大真·理由

by Charles Wong

承接上一篇:真喺有需要買車?揭曉3大香港買車的假藉口,本文分析香港3大真正需要養車的理性理由,三者有一你已經有足夠的理由convince你和你身邊的人支持你買車養車。小U也一樣,即使是性價比追求者,在真正需求的面前,應該用的錢就是應該用。

買車真·原因:揸車唔喺為自己,喺為屋企人

香港有好大一個車主群體喺為接送家人出入而買車的,如果你同小U一樣,尚未下有兒女、上有高堂,可能比較難明白,倘若你明白就能理解爸爸車主的偉大。香港有好多爸爸車主日日送仔女返學放學、假日車仔女去玩、不時要接埋四大長老飲茶,做家庭車主其實喺做了一家人的免費柴科夫(司機)。中國人贍老愛幼的傳統,再加上一個家庭養一部車已經開銷不少,使得香港成為世界上七人車比例最高的地方之一。反觀澳洲,7人車(People Mover)的數量喺同敞篷車(Convertible)的數量差不多。

香港爸爸車主喺絕對值得敬佩的,為屋企人而買車是絕對原因沒得推翻。爸爸從自己銀包掏錢,為全家人的方便服務,有咩好講?做乘客的家庭成員永遠是幸福的,行去拎車泊車、搞維修保養全部喺爸爸的事,接送遲咗黎被老婆黑面,早咗到響黃線停車又擔心有差人黎抄牌;明明路線唔順,又點都要兜到去果度上落。最悲催的莫過於假日等泊位,聽過有的爸爸載一家大細去玩水,老婆仔女落車玩先爸爸就等泊位,等到有位老婆仔女已經玩完話要翻屋企。

呢個畫面喺好多爸爸車主所辛苦的回報

補充一點,如果你經常要載貨物(或者老婆仔女的裝備),那麼養車確實可以幫輕到你。作為工業革命的產物,蒸汽機車的發明就是要解放人類的勞力。

 

買車真·原因:慳時間

香港社會時間就是金錢,如果買車揸車慳到的時間可以cover養車的成本,咁買車確實諗得過。如果你翻工要行去等小巴、再轉巴士、甚至可能再要轉多程地鐵,咁好可能揸車可以幫你慳到時間(偏遠村屋樓價低、但交通不便是等價交換的)。

不過要留意,好多未買車的人會用搭巴士地鐵的時間同打的的時間直接對比得出買車可以慳的時間,例如搭車要1個鐘,搭的士30分鐘,每日來回就慳一個鐘,其實咁樣計算是不準確的。因為養車還有好多額外的時間要用,例如停車場可能要行一段路,滿位等入停車場,一個星期要入一次油(有時仲要排隊),自己洗下車、翻廠去車房保養等等,呢D都喺養車衍生消耗的時間。

講到慳錢慳時間,自然聯繫到買車還是打的TAXI\UBER\Gogovan呢個問題,小U可以肯定地確認:如果你經常來回的地方截的士是沒有難度的話,打的一定是更慳錢、更慳時間。如果你是路費100蚊以上的路程,因現時越來越多司機用APP接單,call車更容易。但如上文所述,如果喺住村屋,好難截的士,又有紅的綠的的界限問題,咁揸車可能喺最好的選擇。

 

買車真·原因:放眼世界的必學技能

在香港這個人口稠密交通發達的大都會,即使不懂揸車,依然可以有便捷的公共交通選擇。但是在世界上很多國度,不懂開車駕駛就像是沒了雙腿,寸步難行。在美國、加拿大、澳洲、北歐的大部分地區,乃至中國內陸、日本的非中心區,沒有車代步買個蘋果都難。書本廣告成日話香港有世界視野,揸車技能一定也算一種,而且是世界性的基本生存技能。駕駛同游泳一樣,都喺越年輕學越容易上手

就算不在外國定居,對於深度熱愛旅遊的香港民族黎講,自駕遊喺熱門話題hot topic,近的有沖繩濟州,遠的冰島紐西蘭,識得揸車自駕遊可以看到的世界會廣闊好多、自由好多。是否懂得自駕可能會十分影響你對一個旅程的體驗。在香港練好了手車,去到國外大多數自駕遊都可以應付得了。

小U也藉此提醒一下想自駕遊但沒有駕駛經驗的網友,如果你喺新牌雪藏牌想補幾次鐘就去自駕遊,一定要三思警醒駕駛安全:

馬路如虎口,任何一位有經驗的駕駛者都可以話你知,如果你同時對駕駛操控、道路環境都陌生,你就猶如一個隨時爆炸的馬路炸彈,一旦引爆累人累物。小U特別提醒有兩種十分高危的路線要注意:雪地郊野。最近小U聽到一個朋友補幾次鐘就去冰島揸長途,話過邊路上車少沒問題。此種低估風險的諗法十分危險,在“山卡拉”的不無之地行車,一旦遇險連鬼影都沒,沒人來救你,就算有救援可能幾個鐘之後先到。突然爆胎失控、Brake漏油失靈、水箱漏水過熱,在那冰天雪地的環境,對於一個零駕駛經驗的駕駛者都十分危險。

希望大家睇完呢兩篇文章,會有更firm更理性的決定是否需要買車養車、是長養還是短玩,每個選擇都有其道理。小U唔喺想慫恿或者潑冷水,而是希望無論你做怎麼的決定,到結果都是發覺是最適合自己的,所以請LIKE一下這篇文章吧。如果你決定加入香港車主行列,請不要吝嗇訂閱“香港養車日誌”的FACEBOOKYoutube Channel哦!更多的資訊供你參考:

你又點睇香港地買車養車呢?歡迎留言~

更多養車實用文章供參考:

你鐘意DIY自己部車嗎?香港養車日誌最近本住dump錢落海的心態、試咗好幾款DIY鍍晶產品,搵到一款意料之外效果好的超性價比DIY鍍晶。我在自己部車度親測半年,並對比幾款不同產品的效果,有興趣請睇睇:

Related Articles

6 comments

Kelvin 31 7 月, 2017 - 8:02 上午

吹漲,講到買車咁神聖咁又為家人為放眼世界。。事實上香港買車只有兩個原因:虛榮同貪玩!

老實講,如果係窮 L, 慳返 d 玩車錢家人一定會開心好多。毎個月有錢去旅行必定更能放眼世界。

(利申:我係車主)

Reply
Charles Wong 23 11 月, 2017 - 1:10 上午

Yes~ thx for discussion~!

Reply
kahom 5 8 月, 2018 - 12:08 上午

咩叫買車只有兩個原因? 唔好將你既情況套用全人類! 只係你自我中心到過晒龍

Reply
anthonyscyuen 7 1 月, 2018 - 9:34 下午

沒有累積一定駕駛經驗及一定駕車里數(和飛行小時類似),突然在外地自駕遊風險很大。相比起生活在歐美天天駕駛,不少香港人只是在周末/假日駕駛或只是行駛固定路線,真的經驗很少。在大時大節看見不少私家車險象環生或不熟道路強行轉線或突然停下找路便已可知一二。若在日本路面狀態和同是右軚還好一點,若是在左軚的歐(除了英國)美個更風險更大。個人覺得最好在香港都有累積一定駕駛𩣪驗,如平均一年駕駛超過最少一萬公里就好一點。

Reply
Ben 27 1 月, 2018 - 11:12 下午

我係有諗過買車。。。。。絕對唔係因為依D.
主要係覺得應該好玩,同埋好似幾過癮咁。
後尾計計條數都唔敢買。。。
車位:2700
牌費,保險,出街泊時租,打柴維修費用。
雖然渣過幾次係覺得好好玩,踏住油門就可以高速(相對於生物)咁移動。不過都係算啦。。。。。買左車會儲唔到錢。

Reply
mak123485 14 1 月, 2020 - 5:38 下午

坐車返工個半鐘,渣車返工半個鐘,咁算係藉口定理由?

Reply

Leave a Comment