SHARE

小U每次響FACEBOOK專頁 post汽車維修的帖子,都得到大家的大力捧場,所以一定唔辜負大家的厚愛,小U今日就同大家一齊開始新project:DIY學整車、自己做汽車維修保養零基礎、全新手、從未做過都沒問題,小U會竭盡所能,由淺入深一齊進入整車世界!

到底“整車”喺整D咩?點解要學“整車”知識?

以前養車日誌集中喺討論汽車外觀(已達25個topics文章),但如果部車機件有問題,就沒心機去再搞外觀,就好似饑不果腹,就唔會有心機去打機睇戲。車的機件運行正常喺揸車養車的最基本、最原始、最必要的條件,大家口中常說的“整車”,就是為了讓汽車唔好出現問題、“揸得順”

只要是車主,無論男女老少,都應該掌握基本整車的知識

在香港,“整吓部車”一詞涵蓋的內容極廣,不單是包含“Fix & Repair(維修)”,而且包含了“Maintenance Service 保養”、“Tuning 調校”等所有車房相關的作業。對於車主黎講,學基本的整車知識好處多多,唔單只可以保養好自己的愛駒,又可以避免遇到黑心車房變水魚,買賣二手車更加喺防中伏的必備防身知識。下文更會詳細分析點解大家都要學識整車的基本知識(文章鏈接後補)。

就算自己唔整,都要識整。

然而在香港的自主DIY整車氛圍并未及外國流行,所以不時會聽到類似的誤解笑話:

車主:“我部車咩都唔洗整,買翻去就揸,保養condition好好。”

買家:“咁請問師兄你平時部車點做保養?”

車主:“揸咗兩年從未拎出去整過,好順,連偈油都唔洗換

買家:“。。。”

 

整車包括保養+維修,而且:保養>維修!

無論是車還是人,等到壞了才去保養就太遲了

整車同整電腦唔同,電腦一喺壞一喺唔壞,唔壞就唔洗整。但車就唔同,車就算行得走得,都需要時不時整一下、需要檢查和保養。因為車的機械問題好少突然從零爆發,多數喺日積月累、冰封三尺、“厚積薄發”。保養(Maintenance Service)就是為了減少故障發生的幾率、盡早在小故障爆成大故障前處理掉。一個普通的師傅會幫你維修好已出現的故障,而一個出色的師傅會在故障出現之前處理掉。

保養的理念喺:花$300蚊避免$30000蚊的維修

 

汽車保養的項目并不少,就拿香港熱門車的HONDA JAZZ / FIT黎講,保養項目就多達二十多個,十幾個消耗品更換項目。這個保養列表(Maintenance Schedule)喺本田的工程師科學家精心定制的,以確保車輛行20萬公里唔需要做大維修。

後文會詳細介紹如何解讀保養列表、以及每個保養項目的基本介紹和做法((文章鏈接後補))。但部分車主忽略保養的重要性,以為只要部車行得走得,又唔需要年檢,就車頭蓋都唔會開一次、車房亦唔會幫襯一次,“慳得就慳”但卻可能因少失大

 

沒有任何知識、如何開始第一步?

萬事開頭難,汽車機械構造博大精深,對於沒有任何汽車維修知識的我們,學習自己整車最適合是保養項目開始學做,除了因為容易入手,更可以通過保養項目快速了解汽車運作原理。小U後文會介紹“小保養”和“大保養”每個項目的做法和牽涉的機械原理(文章鏈接後補)。有車主可能會猶豫:香港地方細,自己整車可行嗎?絕對可行!小U總結:

  • 香港地自己做汽車保養維修是否可行?會唔會好難?(文章鏈接後補)

在香港自己學做保養不僅可行,而且好處多多

  • 為什麼要學?學會汽車保養的五大好處、用錢也買不到!(文章鏈接後補)

小U今日就和大家一齊開始學習“汽車機件保養課程”,小U并唔喺先生老師,我只是和大家一齊學習的同學。U同學未必是成績最好,但是他很喜歡share自己的學習心得,並且用最簡單易懂的方法讓大家更容易明白課程的內容,以下就喺小U的筆記NOTES,總結成為《DIY自己動手做汽車機械保養》系列NOTES,希望幫到大家:

文章主題一覽
  1. 什麼是汽車維修保養?維修 VS 保養 有什麼區別、聯繫?應該怎麼開始學(本文)
  2. 為什麼要學做維護保養?學會汽車保養的五大好處用錢也買不到!
  3. 香港地自己做汽車保養維修是否可行?會唔會好難?
  4. 汽車維修保養的兩文三語一定要學?因為可以慳大錢!
  5. 如何快速分清車頭蓋引擎艙的機械部件、位置、功用
  6. 如何開始落手做保養:工具篇
  7. 如何開始落手做保養:知識篇
  8. 如何開始落手做保養:材料篇
  9. 常見“小”保養項目詳細介紹
  10. 常見“大”保養項目詳細介紹
  11. 為什麼日本車維修保養比歐洲車平
  12. 汽車保養大誤區:車揸得越少、保養就越唔需要?
  13. 真正的開始:汽車維修
  14. Part2: 汽車維修內容待續

小U的目標是每星期發佈一篇新文章,target在3個月內完成比較有系統的汽車維護保養內容,如果你有興趣一齊學習,不妨登記成為【養車日誌會員】以便接收最新的文章更新:完全免費

小U藉此再次感謝各位讀者、網友、會員、顧客的一路上支持,小U是業餘興趣做窮U養車日誌,和大家分享養車的樂趣就喺小U養車的最大樂趣CLICK一下MOUSE就可以不花一分錢支持小U的工作,按一下本文最下方LIKESHARE 分享本文以及養車日誌的Facebook Page訂閱小U的YouTube Channel及時知道最新的文章和影片,歡迎各位在本文下方留言你最想知道的養車、整車TOPIC,一齊加入討論。

SHARE
揸車養車最大的樂趣是什麼?莫過於與大家一同分享個中有用有趣的資訊。 歡迎隨時和我交流探討,產品查詢購買請聯繫:whatsapp - 60981711 email - [email protected]

LEAVE A REPLY

Please enter your comment!
Please enter your name here