Home 維修保養DIY 要親手做汽車維修保養嗎?學整車五大好處用錢也買不到!

要親手做汽車維修保養嗎?學整車五大好處用錢也買不到!

by Charles Wong

自己懶得學整車知識、想推出車房用錢就可以解決問題?經驗告訴我哋這個想法大錯特錯。下面就跟各位分析為什麼作為車主汽車保養維修知識點樣都要識多少、學識整車的五大好處用錢也買不到

自己唔整都要識:防中伏必備

我哋學整車唔喺enjoy污遭邋遢、身水身汗,而喺整車修車知識喺在買車、養車過程中避免中伏上當的必備知識。就好似買樓咁,你未必要自己起樓、自己裝修,但喺自己識D驗樓方法,學下點睇樓契合約,十分必要。不時見到報紙論壇有網友買了漏水樓、釘契樓,車友買了漏油車、整極都整唔好,你以為花錢就解決問題?沒有必備知識、分分鐘不知不覺做水魚任人魚肉

唔想做水魚?唯有虛心學習。

學整車的目的唔喺要去開車房、做車房仔。例如學會了換油之後唔一定話之後每次換油都要自己做,但就切身明白到換油過程中的每個“鬼位”,出去比人換自己都識判斷好壞。慢慢就會搵到傳說中的“良心車房”“相熟車房”、洗少咗無謂錢、養車養得更輕鬆

 

睇醫生沒病歷:保養歷史車房唔會知

當代汽車的設計壽命多為20萬公里,為了確保每輛車可以行走20萬公里不需要大維修,每個車廠都制定適合的維護保養計劃(Maintenance Schedule),指定每個時間/公里數需要進行的更換保養項目,進行保養的記錄(通常叫Maintenance Records),就如一部車的病歷一樣

除了原廠,有幾多街鋪車房可以提供詳細的維修保養記錄?

然而如果新買一部二手車,將其推出車房做保養,就好似將一個沒病歷的病人推給醫生。車房無法得知完整的保養歷史,無法跟足保養計劃。更甚者,如果你今次去A車房整,下次又換取B車房整,而自己沒一個全局的理解,只會喺頭疼醫頭,腳痛醫腳

記得上文講過保養的理念就是花$300避免$3000的維修,如果你的保養沒做好,就好可能導致$3000的維修。而對於車房黎講,這卻是好事

 

車房良莠不齊、越大鑊越快樂

你可能會問,那車房為什麼不主動調查清楚你的車保養情況、再建議你正確的保養項目?首先要明白開車房也是做生意,做保養項目價錢平、車房的利潤低。如果更要徹底檢查車況就需要很長時間,收你檢查費又可能引起消費者的爭執,就算查到有未做的保養,有的車主可能話“行得揸得、唔洗整”唔做慳錢;就算車主肯做,保養項目都收唔起價。如果要樣樣跟足做齊,用料100%,服務好,再要有利潤賺錢,咁車房的收費就會同翻原廠差唔多了

更麻煩的是“黑心車房”喺有的香港車主心中的一條刺,明明喺問題A、就話要換B,明明換個零件得、但就話要換成套,明明沒問題、就鬆開D螺絲卡扣等你發現“新問題”等等。你諗住比錢推出車房就搞掂完事?遇到一次黑心車房真喺搵錢買難受、搞到頭都大。有必備知識旁身,“良心車房”還是“黑心車房”自己就識分

交學費給“黑心車房”往往喺車主學習整車修車知識的動力。

提一下,車房員工“免費征用”你的愛車周圍去似乎是行規“潛規則”,網友甚至話買菜吃飯咩都有,你又點睇?:

 

自己落手:用料自由選擇、確保來源品質

汽車保養維修必然涉及到用料。香港論壇最常見的討論更換消耗品是機油和輪胎,其實保養消耗品要十幾項,維修parts更加多不勝數。自己落手做維修保養既可以確保用品的來源和品質,亦可以根據自己的需要自由選擇最適合自己、性價比最高的產品

上圖的parts你認得幾多樣?只要開始自己維護架車,好快就熟悉。

學識訂料也是必學一環。小U之後文章會詳述訂料。即使不自己動手換,訂料交給車房換喺好多識玩車的車主做法。

 

整車喺養車樂趣之一、仲可以慳錢

香港地方細,車多擁擠,養車成本又高,相比起外國的地大脈搏,揸車養車的樂趣真喺唔多。但倘若你同小U一樣,自己動手整理自己的愛車喺一種樂趣,每次整好一樣嘢成功感滿滿,咁你養車的樂趣又增多咗。而且相比起養名錶、玩攝影、音響等“男人浪漫”,自己整車不僅唔需要洗錢,仲可以慳錢

沒人天生識整車、每個人都是從零開始

以上就喺小U總結的五大自己整車的好處,無論你喺從錢銀出發,還是從樂趣出發,學習自己整車都百利而無一害。既然如此,我們下一文就再進一步,討論在香港自己整車是否可行、有幾難、有什麼限制以及如何解決、需要什麼工具起步。人人話外國養車好過香港養車,那香港是否一些優勢也沒有?下星期的新文章再同大家深入討論如何在香港、沒有私人車庫車房的情況下,開始踏出整車第一步

 

《DIY自己動手做汽車機械保養》系列文章

小U和大家一齊開始學習“汽車機件保養課程”,小U并唔喺先生老師,我只是和大家一齊學習的同學。U同學未必是成績最好,但是他很喜歡share自己的學習心得,並且用最簡單易懂的方法讓大家更容易明白課程的內容,以下就喺小U的筆記NOTES,總結成為《DIY自己動手做汽車機械保養》系列NOTES,希望幫到大家:

文章主題一覽
  1. 什麼是汽車維修保養?維修 VS 保養 有什麼區別、聯繫?應該怎麼開始學(本文)
  2. 為什麼要學做維護保養?學會汽車保養的五大好處用錢也買不到!
  3. 香港地自己做汽車保養維修是否可行?會唔會好難?
  4. 汽車維修保養的兩文三語一定要學?因為可以慳大錢!
  5. 如何快速分清車頭蓋引擎艙的機械部件、位置、功用
  6. 如何開始落手做保養:工具篇
  7. 如何開始落手做保養:知識篇
  8. 如何開始落手做保養:材料篇
  9. 常見“小”保養項目詳細介紹
  10. 常見“大”保養項目詳細介紹
  11. 為什麼日本車維修保養比歐洲車平
  12. 汽車保養大誤區:車揸得越少、保養就越唔需要?
  13. 真正的開始:汽車維修
  14. Part2: 汽車維修內容待續

小U的目標是每星期發佈一篇新文章,target在3個月內完成比較有系統的汽車維護保養內容,如果你有興趣一齊學習,不妨登記成為【養車日誌會員】以便接收最新的文章更新:完全免費

小U藉此再次感謝各位讀者、網友、會員、顧客的一路上支持,小U是業餘興趣做香港養車日誌,和大家分享養車的樂趣就喺小U養車的最大樂趣CLICK一下MOUSE就可以不花一分錢支持小U的工作,按一下本文最下方LIKESHARE 分享本文以及養車日誌的Facebook Page訂閱小U的YouTube Channel及時知道最新的文章和影片,歡迎各位在本文下方留言你最想知道的養車、整車TOPIC,一齊加入討論。小U網販車品區亦為大家準備好多好用的汽車用品,隨便睇睇買不買沒所謂,鏈接如下(容易跌錢請小心訪問):

更多原創相關文章供參考:

AZDOME_4K_ULTRA 香港

畫質最強AZDOME 4K Ultra深入測試:驚人的發現

你鐘意DIY自己部車嗎?香港養車日誌最近本住dump錢落海的心態、試咗好幾款DIY鍍晶產品,搵到一款意料之外效果好的超性價比DIY鍍晶。我在自己部車度親測半年,並對比幾款不同產品的效果,有興趣請睇睇:

Related Articles

Leave a Comment