Home 新車主 細車悲歌:盤點近年在香港退...

細車悲歌:盤點近年在香港退市小型車車款

SHARE

小U近日將全香港的車型和車價表過一次,驚覺有好多車廠代理都將旗下的小型車入門車款刪減退市。不單喺對細車愛好者,而且對P牌新牌雪藏牌車手來說都喺壞消息,又平又好操車的小型車可以選擇的餘地更加少。小U是細車愛好者,以下盤點近年被退市小型車車款,其中有沒勾起你回憶的車型?為什麼車廠代理有此一著?市場上剩翻的選擇有咩?下面我地一齊黎睇睇:

縮骨的Toyota(香港) - Ractis & Ractis Verso

豐田Ractis相信完全唔需要多做介紹,VERSO版為人熟悉的59全景大天幕從駕駛席延伸到後座,容積同級最大的尾箱行李位,完全貫徹Toyota實用為上主義。好可惜豐田在2017年的車款佈局中停產了Ractics,而在香港并沒有將所有新同級車款引進


反觀在日本本土市場,2017年小型車市場產品線百花齊放,VITZ和PASSO肩負入門小型車的市場,中型車SPADE和PORTE,小型box車有TANK和ROOMY,在加上小型揭背Prius C和AURIS,在日本Ractis的停產換來了更多的選擇。而在香港僅有兩個:SPADE和Prius C。相比日本本土市場,香港代理將小型車選項“縮骨”了不少。

歷史車評:

歷史價格:

18.9萬(Young基本版) 20.9萬(VERSO天窗版)

二手放盤:極多

 

被滅門的Ford - Ford Fiesta / Focus

小U見到Ford香港的官網已經將全系列家用車消失,包括Fiesta和Focus,心入面一句:抵死!因為縱觀全球其實Ford的滅門一D都唔出奇。Ford從2011年起大規模採用并宣傳的雙離合變速箱PowerShift被揭發設計有缺陷,但幾年來一直死口唔認,直至最近2015-2017年已經在全球範圍內引發集體訴訟,結果當然喺福特輸到PK:

福特的PowerShift變速箱缺陷引發全球市場的聲討和訴訟已經在海外炒得沸沸揚揚,如果上面的英文難睇,以下是台灣一些中文的新聞報道:

讓小U震驚的喺如此大規模的設計問題和引發的訴訟,在香港所有汽車傳媒都隻字不提!

在香港所有汽車傳媒都隻字不提!

在香港所有汽車傳媒都隻字不提!

講到尾大家現時在雜誌網上見到的車版,多數都喺收受車廠代理佣金好處、為其做事、為其寫post宣傳。控制傳媒發聲需要靠國家需要共產黨嗎?根本唔需要!只需要將傳媒的利益鏈揸住,邊個都可以操控傳媒!

歷史車評

歷史價格

14.9萬(Titanium基本版)、21萬(ST版)

二手放盤:一般

小飛俠中場休息? - Suzuki SWIFT

有小飛俠之稱的Suzuki Swift喺為數不多有棍波Manual可選的行貨細車(Sport版)。現時香港Suzuki的官方網站并沒有了Swift的出現,可能喺為了迎接2018版的新款。個人覺得新款Suzuki變得圓頭圓腦傻傻呆呆的,沒曬跑味霸氣,你又點睇?

2018年香島汽車會否重新引入Swift我地拭目以待。相信在以上介紹的兩款小型車的退市後,Swift的競爭者變少、市場會更大(但是外觀上的倒退就。。。)

歷史車評

歷史價格:15萬(基本版)、18.5萬(Sports版)

二手放盤:一般偏少

 

未見過真車的 - Hyundai i20

講到市場營銷做得最失敗的小型車,一定要頒給韓國現代Hyundai i20。相比起兄弟廠起亞KIA的Morning越賣越恒,現代i20真喺一塌糊塗:小U未有響香港街道見過真車(可能喺我孤陋寡聞)?仲然比足銀彈Sponsor各大香港媒體大肆宣傳,依然無法扭轉退市的命運:

如果要分析i20的死因,小U覺得主要有兩個:4速變速箱定價。4速波箱可以在外國流行因為塞車并沒香港嚴重,加上外國油價沒香港咁高,所以4速波箱的致命弱點高油耗可以忍受。但香港的情況大家都知,好多車主都唔中意4速波箱+細cc。定價就喺另一個大錯,如果是貼住著雙田(豐田本田)或者雙B(BMW BENZ)車標,靠i20的規格Specs賣16.8萬可以商量,但是i20頂著的喺韓國車標,結合二手回收價的預測,如果i20賣平兩三萬、14萬的話可能還可以生存。(人家KIA CERATO比Corolla的配置仲高先賣14.8萬!韓國車就喺要平先有人買!)

綜上所述:退市情理之中。

 

情懷時間:Alfa Romeo - Mito

愛快MiTo其實在小U 2015建站的時候已經退市,但喺依然無法阻擋小U將MiTo加入呢個list。滲透女性化的車身設計處處充滿設計的感覺,從外觀上就喺一件藝術品。

歷史車評

歷史車價:26萬

二手放盤:極少

講到呢度小U已經將近年被退市小型車車款羅列了一次。點解地方狹窄的香港地反而小型車唔受市場歡迎?香港的所有問題都歸根到底同“高樓價、地產霸權”有多少關係。小U之前文章“香港養車最平要幾錢?窮人養車的終極分享”中已經幫大家計過,養車恆常洗費中停車場錢占好大一部分,停部7人大霸又喺月租$3000,停部KIA MORNING又喺月租$3000,消費者心理梗喺停部大車抵D。另外香港汽車算“半奢侈品”,不同於外國家庭平均兩三部車,一個家庭只有一部車的情況下自然載人越多越好。

市場上細車的新車選擇小咗大家可能更會轉往二手市場,可能會對二手價有正面承托影響。如果大家希望睇到小u繼續分析香港細車市場、買咩車款好、請比個LIKE和SHARE本文支持我去繼續寫下一篇post,thx!

想知道更多實用地道的養車資訊,請follow 小U的 facebook page以及留意更新哦!如果大家覺得本文不錯,請不要吝嗇share 分享本文,小U的YouTube頻度終於突破500個訂閱!大家覺得好的話就Subscribe支持一下吧!小U網販的車品大家可以看看、買不買其實沒所謂啦,點一下分享Share比起金錢支持更重要。歡迎隨時在討論區留言和小U和各位養車日誌的會員交流,每個問題小U都會回覆!

更多文章睇過夠:

新手應該買新車還是二手車?不要把自己綁死在一個選項!
性價比細車頂級天窗版 KIA MORNING Premium 兩年用後感、詳細介紹

自己動手系列文章:

SHARE
揸車養車最大的樂趣是什麼?莫過於與大家一同分享個中有用有趣的資訊。 歡迎隨時和我交流探討,產品查詢購買請聯繫:whatsapp - 60981711 email - upsangel@gmail.com

LEAVE A REPLY

Please enter your comment!
Please enter your name here