SHARE

又到夏日熱門出遊季,各位有車牌人士會否PLAN緊假期到海外自駕游?海外自駕一定就要租車,相信大家出遊租車都會用類似rentalcar.com, expedia 等的網站比較唔同租車公司的價錢,不過請勿“價低者得”,要留意平價的租車服務是否有以下“伏點”

是否在機場提車?

有的平價租車公司取車地點唔響機場,要轉駁小巴先可以到。租車自駕遊就是為了省卻拎住大包行李上上落落,如果租車公司要駁車先到,麻煩指數大增。第二,轉駁車未必一叫即到,提車還車都需要預額外的時間,十分浪費。第三,因為你已被送出機場,到了租車公司一旦有任何不滿意的安排,你都處於不利位置,好有要硬食的感覺;而在機場counter櫃位通常有多家公司,就算有咩意料之外的事都可以隨機應變。

自駕租車TIPS
留意租車公司的營業時間:有的租車公司并沒提供營業時間外after hour的取車還車服務,請留意是否趕得上飛機航班的時間。

小U自己就試過貪平中伏,預訂過機場外取車的不知名租車公司(好似叫Alpha,並非機場取車),點知落機後租車公司的電話打唔通(早機非office hour有提供另一個聯繫電話,但一直沒人接),等到office hour租車公司先有人接電話話距地個booking full咗,并沒有車可以租比我,推託話已經通知租車網站。唯有又致電租車網站,租車網站又話并沒收到租車公司full booking的通知,只有退款但都解決不了滿肚氣和浪費的時間。小U就在機場counter的大公司重新租車,前後浪費了近3個小時才順利上車。

 

是否驗車再交收?

取車、還車時候的驗車程序有兩種

一種喺當面有工作人員拎住張checklist同你逐樣對,逐樣tick,交車時候一張form,還車時候核對翻張form有沒多咗嘢。小U覺得呢種做法最公道合理,不過在提車check車時候自己亦要認真睇,唔好靠曬個員工,簽名前自己拎住張form再行一round。

第二種就喺講個“信”字,交車比你時候同你講“all good”,還車時候亦唔會check你車,但最怕就喺事後先send張單比你話你刮花了邊度,玻璃多咗個窿之類。呢種公司小U通常會仔細自己check車,響機場會花10-15分鐘時間睇過曬,影曬相,如果有花有爛的即場同租車公司講,好過事後爭執。還車時候都一樣,影好每個角度,內內外外的相先還車。

 

過萬墊底費?保費近乎租車費:有沒辦法慳?

租車要玩得安心,保險好重要,萬一有意外都唔會心驚青。要留意不同國家租車的事故墊底費可以差好遠,同樣是小型車,同樣是Europecar,同樣是租3日的意外墊底費如下(姐喺撞咗自己要賠償比租車公司的金額):

  • 泰國布吉:9000THB - 2,200HKD
  • 德國慕尼黑:950EUD - 8,807HKD
  • 日本東京:¥ 162,000 - 11,527HKD
  • 澳洲悉尼:4700AUD - 27,744HKD
  • 美國三藩市:0 - 零墊底費 (沒有Europecar,查了Hertz和Triffty)

墊底費越高就越值得買車保,例如在悉尼租3日的HKD637的小型車,加購“零墊底費”的“升級保”就要多付HKD552,接近租車費的淨額!這類租車公司都不是靠租車本身,而是靠保險賺錢。加保險租金就翻倍,加還是不加?小U就為大家搵到了慳保費又有保障的方法,下文繼續:

 

要平又要有保障:租車保險費點樣慳、交收驗車如何保障自己

以下的內容喺小U自駕遊的私人珍藏,分享點樣用最平的價錢租車+碰撞保險,慳到BUDGET又揸得安心,部分內容會引起保險公司、租車公司的注意或封鎖,所以以下內容只供“窮U養車日誌”的註冊會員尊享。

免費登記做會員

(繼續閱讀請註冊成為窮U養車日誌一份子【完全免費】 註冊頁面 登錄頁面 請留意註冊email可能會彈咗去郵箱垃圾桶。如註冊有任何問題請與小U聯繫:whatsapp 60981711 / [email protected]

SHARE
揸車養車最大的樂趣是什麼?莫過於與大家一同分享個中有用有趣的資訊。 歡迎隨時和我交流探討,產品查詢購買請聯繫:whatsapp - 60981711 email - [email protected]

LEAVE A REPLY

Please enter your comment!
Please enter your name here