2020年5月更新：加入“幾錢一公里”油費計算器
“沒錢唔好學人養車”可能係香港車版討論區最常見的一句萬能回覆。在香港這個物欲之都，有車之人是身份地位收入事業的象徵，因爲各項支出洗費都讓基層市民卻步。但是在這環境下，窮人小U是怎麼養車的？小U本文就和大家分享對比一般車主、也就是有錢人的養車支出，和小U沒錢人的區別。同時讓各位準備買車的網友了解香港養車最平要幾錢、自己是否負擔得起。
最大支出：停車場
現今小學生都識講樓價貴，停車場錢怎麼會平？揸車的有錢人：私人屋苑$3000以上已經是肯定，公共屋邨超過$2000。揸車翻公司的日泊，除非公司有免費位$2000基本沒走雞。再加上外出時租，$6000預算也是基本。
一般車主：$5000~$6000起步
窮人小U：公司提供車位（免費），夜晚泊你懂的地方（可能要交錢比警察），休息日泊停車場。每月停車錢約$1500。
點樣可以減低泊車費？有討論話如果自己有車位，就可以刪除一條開支、“泊車唔洗錢”。其實呢個喺掩耳盜鈴的計算方法，因為你的車位自己唔用可以租出去收租，建立響每月收少幾千車位租金之上的“免費泊車”，就猶如老闆每個月少發幾千人工而提供的“免費交通津貼”。真正減低泊車費用要睇所居住、上班地點，是否村屋有平車位，有沒平價爛地場之類，可遇不可求。
小U之前的文章“雪藏牌車手如何解凍做車主？新牌P牌也供參考的出車攻略” 討論過，買車前一定要諗好的唔喺買咩車，而喺停邊度，如果唔喺就好似以下呢位師兄咁悲劇了：
講到出街泊車，旺區$25/hr起，非旺區$15/hr走唔甩，至於假日泊車。。。相信各位車主都有不同的類似經歷：
出街泊車更是可能比起打的更貴。
由於停車場錢喺第一大之處，小U已開新文章詳細討論點樣慳錢，如果你大富大貴可以跳過忽略：
第二大支出：車價折舊和維修
HKEPC一個理性討論貼：你地一個月養車平均花幾錢? 大部分車主的經驗認同車齡越高、維修費越多的情況。不能忽略的還有車價的折舊。根據小U不科學的統計，平均折舊+維修每月最少$2000沒走雞（一年2.5萬）。年份越新的車折舊越快、年份越大的車維修越多（超過七年仲要check車年檢）。
$2000是最低消費，有錢人買四十萬的新車按兩年7折等於折舊12萬（7折已經好保值，通常7折都沒），平均每月$5000折舊；原廠保養貴車4000~6000一次（原廠保養價錢歐洲>日本>韓國），半年一次，平均折舊+保養每月超過$5500。
恆常支出：油費
小U去年參與過油公司和一家大型公司的入油回贈計劃，分析了2300個車主的入油數據，入油中位數是每月110L~150L，如果按照油價$14計算，平均油費是$1820。
小U每月油費支出只有$500，原因是我每日來回只有15km。。。窮人揸車揸長途喺好肉赤。
有朋友話，油費貴咪出油電Hybrid車甚至全電車lor。羊毛出在羊身上，高科技動力車的車價比較貴，慳咗油錢，車價又付出翻。油電車換一次電池的錢已經夠我兩年的油費。
香港養車日誌油耗油費計算器
為各位香港車主準備咗簡單實用的“幾錢一公里”計算器，可以方便大家
每年固定支出：保險、牌費
1500cc 2017年牌費 $3929，上一級2500cc 就$5794，保險豐儉由人，$1500~$4000不等，有錢人買新車通常買貴全保。小U窮人就只買3保。最平牌費+最平保險每個月預約$550，中級牌費+全保預$730。
外觀護理支出
如果每個月出去車房保養外觀，平均每月洗車打蠟$500 （低於$200一次的洗車越洗越花的機會大），如果做鍍膜$1000以上（一年有效期的街價一萬）。
香港養車日誌分享大量DIY自己做的車身保養技術方法，如果有時閒有樂趣，每個月DIY慳一筆：
總結：沒錢唔好養車（?）
上述幾項主要開支加埋，養車要幾錢大家應該有個數，下面小U做咗張對比圖：
大老闆、富二代養名車超跑換條肽都已經貴過我部車，不作比較討論了
方便手機讀者，我將上圖轉成豎直版：
養車支出 | 寫意新車養車洗費 | 最平二手車養車洗費 |
停車租金、 | $5000 | $1500 |
車價折舊、保養 | $5500 | $2000 |
油費 | $1820 | $500 |
牌費、保險 | $730 | $550 |
外觀打理 | $500 | $0 |
每月開支 | $13,550 | $4,550 |
每年開支 | $162,600 | $54,600 |
一計嚇一跳，原來窮人小U每個月都要用成四千五落部車度（好多朋友計出黎都沒咁多，好大原因就如之前提過：沒將車價折舊計算在內）。$4500可以每月去台灣玩一次、可以每次出門揚手即停call的士uber、出生早D的師兄更話$4500想當年可以供樓了。更殘酷的是，$4500還只是起步價，中產養車法仲會每月過萬！不僅是小U個人覺得，大多網友都認同：從荷包出發，香港地養車確實是一件燒錢、奢侈、無必要的事，而且還會影響延後其他的人生/理財目標：
但爲什麽汽車這個男人的浪漫卻會越來越流行？香港的汽車保有量增長比樓價更加堅挺：從運輸署的數據，無懼04、08年的金融危機，香港的汽車數目一直增長。到底是什麽動力？難道精明出名的香港人都是盲目消費？如果你對這個話題有興趣請LIKE一下本文或留言分享你的意見，下一篇小U再和大家分析在香港為什麼要買車，以及為什麼連追逐性價比的小U都沒有後悔買車養車的決定。
最後，如果大家覺得本文不錯，請不要吝嗇分享本文和 follow 香港養車日誌 關注更多實用原創養車樂趣文章。小U的YouTube頻度也達到了30,000個觀看次數啦！大家覺得好的話就Subscribe支持一下吧！如果有任何意見或建議請隨時留言~
更多養車實用文章供參考：
DIY洗車系列
DIY修補手作：
DIY安裝車CAM
- 自己動手：安裝車CAM不求人！行車記錄儀安裝方法和工具介紹
- 突破再突破！AZDOME 4K-Ultra再次刷新4K車CAM最高像素紀錄！
- 顛覆車CAM定義：AZDOME Fullvision電子後視鏡式車CAM詳細測試
你鐘意DIY自己部車嗎？香港養車日誌最近本住dump錢落海的心態、試咗好幾款DIY鍍晶產品，搵到一款意料之外效果好的超性價比DIY鍍晶。我在自己部車度親測半年，並對比幾款不同產品的效果，有興趣請睇睇：
